عمرو أديب عن أزمة السكر وارتفاع الأسعار: أنا مش من مدرسة الضمير ولا مدرسة بلاش نضر البلد

الموجز  

علق الإعلامي عمرو أديب على أزمة السكر وارتفاع أسعار السلع الأخيرة، قائلاً: "أنا مش من مدرسة الضمير ولا مدرسة بلاش نضر البلد أنا من مدرسة الحقيقة."

وخلال تقديم برنامجه "الحكاية" المذاع عبر فضائية "إم بي سي مصر" مساء الإثنين، قال أديب: "أنا مش مع فكرة تقليل السكر في الشاي أو أن السكر مضر بالصحة، ولا مقولة انتوا شعب بتضروا بلدكم.. احنا عايزين حل للأزمة دي"، مضيفاً: "طوابير السكر والسلع دي مشاهد كانت من 70 سنة في فيلم ثرثرة على النيل."

وأضاف الإعلامي: "لا تقدر توقف حد بيهرب سكر أو بيخزن سكر أو اللي يبيع السكر بـ 50 جنيه، لأنه مفيش شرطة سكر في أي بلد، أو تسعيرة جبرية في أي مكان"، بحسب ما نقل موقع "القاهرة 24".

وتابع: "فشلت تماما في فهم موضوع ارتفاع الأسعار خلال الفترة الأخيرة، ولم أجد شماعات عن أسباب الارتفاع في الأسواق."

وأشار مقدم برنامج "الحكاية" إلى أن "أسعار السلع غير طبيعية، علب اللبن أرقامها غير طبيعية، والزيادة غير طبيعية."

وانتقد عمرو أديب ارتفاع أسعار السلع في الأسواق، قائلاً: "لو فيه حد بيعمل حاجة من تحت لتحت للدولة دي مش هيبقى كده.. ده الحروب مأثرتش في الناس كده"