«حاربنا إرهابا وكذبا وشائعات».. السيسي: مشكلة الدولة السنوات الماضية زرع الشك داخل المواطن تجاه الحكومة

الموجز  

علق الرئيس عبدالفتاح السيسي على ما أثير حول ازدواج قناة السويس.

وقال الرئيس السيسي، في كلمة ألقاها خلال مؤتمر "حكاية وطن بين الرؤية والانجاز" المنعقد بالعاصمة الإدارية الجديدة اليوم السبت،: "الكلام ده كان بيتعمل وأنت مش بس بتحارب إرهاب أنت عندك أبواق.. كذب وافتراء وشائعات شغالة تقدح في كل إجراء ومسار تعمله.. أنت كمان مش محل تقدير من ناسك اللى بتعمل لاجل خاطر ربنا وخاطرهم .. لا ده كمان بيتم الإساءة لك والإساءة الى مسؤوليك هما واسرهم."

وأضاف الرئيس: "مفيش حاجة بتروح عند ربنا .. كل كلمة كدب وإساءة ليها أجر .. والمسؤول اللي أسئ ليه وبهتان ليه مش هيمشى كده .. بنؤمن بالله هنقف ونتحاسب واللي هيحاسب ربنا اللى لا بيغفل ولا بينام .. وكل تفاصيل المكر والافك على مصر خلال الـ 10 سنوات اللى فاتت امتداد لبناء حالة من عدم الثقة للإنسان المصري تبقا جزء من الشخصية المصرية .. تبقا متشككة غير واثقة في نفسها وبلدها .. بناء فكر وجداني اتعمل خلال 40 و 50 سنة ويعتقدون انهم يقدروا يبنوا امة ولا تبنى الا البناء والإصلاح فقط لا  على الخراب ولا الإساءة ولا بالتشكيك ولا الظلم ولا بالهدم.. لما أقول عمل عمله مسؤول انه منقوص او فاسد بظلمه وبظلم جهده وعمله وبحط على العمل بتاعه تراب".

وتابع: "بقولها من أول الكلام.. دي دولة ومشكلتها في السنين اللى فاتت.. هزوا ثقة الناس فينا.. ثقة الناس في نفسهم.. الناس استكتروا على نفسهم طريق وكوبري.. قالك كتير.. ده لسه بدري أوي.. لسه بدري أوي من العمل والجهد والمثابرة.. البناء والتنمية والتقدم.. تمنته الجوع والحرمان.. اوعوا يا مصريين مش تقدموه.. تم زرع التشكيك داخل المواطن تجاه الوطن".

وواصل الرئيس السيسي: "والله العظيم لو تمن الكلام والإزدهار للأمة إنها مش تأكل وتشرب.. عاوزين التقدم والتنمية للبلاد"، بحسب ما نقلت صحيفة "اليوم السابع".