«كوميديا وغناء وأراجوز» .. خروجة في قلب القاهرة بـتكلفة أقل من «60 جنيه»
الموجز
تتميز منطقة وسط القاهرة بكونها قبلة الأسر المصرية في التنزه حيث تنتشر الحدائق وكورنيش النيل وغيرها من أماكن التنزه ..
ويعد المسرح من الأماكن التي يقبل عليها المصريون دائماً ، ويعرض مسرح السلام العرض المسرحي "عجيب وعجيبة" بسعر تذكرة يقل عن 60 جنيه .
وشباك التذاكر مفتوح يوميًا بمسرح السلام، وتعرض مسرحية عجيب وعجيبة أيام «الخميس/ الجمعة/ السبت/ الأحد».
وكتبت صفحة أفضل أماكن الفسحة والخروج في مصر تقول :
من اكتر الخروجات المبهجة و الأحلى انها مش بتكلفك اكتر من ٥٧ جنيه
عارف انت قصص جحا و حواديت ألف ليلة و ليلة 😄 مسرحية عجيب و عجيبة فيها نفس الروح دي بتاعت الفلكلور
مسرحية كوميدية مناسبة جدا للأسرة و الاطفال ممتعة جدا و فيها كمية ضحك رهيبة و احلى حاجة إن الضحكة طالعة من قلبك بجد ❤️
هتشوف الاراجوز و خيال الظل و العروض الفنية اكتر من رائعة
و الجميل الموسيقى 🎼 بتتعزف live على المسرح، صوت الالات الموسيقية و الايقاع في الحقيقة أجمل بكتير من صوت السماعات .. مزيكا فيها روح جميلة كدة
المسرحية بتتعرض أيام: الخميس/ الجمعة/ السبت/ الاحد من كل اسبوع
بداية العرض من الساعة ٩ بالليل "لمدة ساعة و ربع"