عمرو أديب عن قطع الكهرباء: اللي بيحصل ده عبث.. الأجهزة بتبوظ

الموجز  

قرر الإعلامي عمرو أديب، تغيير مناشدته للحكومة والتي طلب فيها التوقف عن تطبيق خطة تخفيف الأحمال خلال الأسبوع الجاري بسبب موجة الحر الشديدة التي تشهدها البلاد.

وخلال تقديم برنامجه "الحكاية" المذاع عبر فضائية "إم بي سي مصر" مساء الإثنين، ناشد أديب الحكومة عدم قطع الكهرباء لمدة تزيد عن ساعتين، معقبًا: «النور بقا بيقطع أكثر من ساعتين وأكثر من مرة، والأجهزة بتبوظ.. هو موت وخراب ديار».

وأضاف الإعلامي: «طالب إنكم تبقوا ناجحين في قطع النور، إذا كان من قطع النور بد ليس من العقل أن تضيع حياتنا.. الحر والضغط فاهمين، الظروف صعبة مش فاهمين، مفيش فلوس مش عارفين، أنت ناوي تكمل كده، طب النور بيقطع أكثر من ساعتين وأي وقت في اليوم، مبقاش في جدول معين».

وتابع: «السادة في مجلس الوزراء مش شايفين اللي بيحصل، اللي بيحصل ده عبث، إحنا رضينا خلاص بقطع النور لكن كمان هيتقطع غلط!».

وأشار أديب إلى أن المسئولين لا يخرجون للرد على المثار من المواطنين بشأن زيادة ساعات قطع الكهرباء، مواصلا: «إيه الإصرار إنك مش عاوز تكلمني وتقول لي، فيها إيه أنك تقول آسف وتاخد بخاطري وتطبطب عليا، لكننا مبنسمعش حاجة من وزير الكهرباء أو الوزارة خالص».

ولفت عمرو أديب إلى أن البعض قد يعارض كلامه، مواصلا" «اللي شايف إن قطع النور جهاد نفس في درجة حرارة 44 ربنا معاه، لكن في ناس كبيرة في السن وناس معهاش فلوس تجيب أجهزة بـ45 ألف جنيه.. التكييف العادي بـ45 ألف جنيه».