عمرو أديب: آفة البلد ليست التضخم ولكن الدولار قبح الله وجهه

الموجز

الموجز

استنكر الإعلامي عمرو أديب، مطالبات البعض بإلغاء القيود على استخدامات بطاقات الائتمان بالعملة الأجنبية، مشيرًا إلى أن الدولة لديها التزامات حرجة في هذا التوقيت.

وقال خلال تقديمه لبرنامج «الحكاية»، المذاع عبر فضائية «MBC مصر»، مساء السبت: «في ناس بيقولوا افتحوا لنا بقا الكريديت كارت.. البلد دي عاوزة تاكل وفلوسك في الحفظ والصون»، بحسب وصفه.

وأضاف: «ليه مش فاهمين إن البلد بتمر بضائقة، البلد بتتنفس، أنا حضرت في اليونان لما كان عندها حسابات في البنوك تصرف في الأسبوع 300 دولار بس، لغاية ما اليونان تحركت واشتغلت والناس تقدر تاخد فلوسها زي ما هي عاوزة».

وشدد على أهمية استغلال الدولة للفرصة المتاحة أمامه، معقبًا: «أسوأ شيء تكون عندك فرصة وتضيعها، أنا شايف إن في فرصة للمرة الألف في تاريخ هذا البلد العظيم - الذي يستحق فرص جيدة جدًا – أن تتقدم للأمام والأوضاع تتحسن».

وأكمل: «تعلمنا من 40 مرة قبل كدة، عملنا نفس الغلطة ونفس التصريحات هي هي، أنت الآن اتعلمت بفلوسك.. آفة البلد ليست التضخم ولكن هي الدولار قبح الله وجهه لأنه كل ما بيزيد كل حاجة بتزيد والدولار لما بينزل في الغالب في حاجات بتنزل والحياة بتتحسن شوية».