«هرب وراح نادي تاني».. أمير مرتضى منصور يهاجم محمود كهربا
الموجز
حل أمير مرتضى منصور، المشرف العام السابق على فريق الكرة بنادي الزمالك، ضيفًا على برنامج "أسرار" مع الإعلامية أمير بدر ويعرض يوميًا طوال شهر رمضان على قناة "النهار".
وخلال اللقاء، كشف "أمير" عن كواليس خروجه من نادي الزمالك، ومشاكل تعاقدات اللاعبين خلال الفترة الماضية، بجانب قضية لاعب النادي الأهلي محمود عبدالمنعم كهربا.
ووجهت أميرة بدر سؤالا لـ أمير مرتضى منصور قائلة: "أنت فيه لاعيب معين كنت عايز تحفزه كل ما تجيب جون هديك مبلغ صح؟".
ورد أمير بالقول: "صح ولاعيبة كتير وكنت بقولهم لو كسبنا ماتش هديك 100 ألف جنيه هديك 70 ألف جنيه روح اصرفهم بعد الماتش، منهم مصطفى محمد وكهربا وأوباما".
وأعادت الإعلامية سؤالها مرة أخري: "ليه كنت بتشجع كهربا؟".
ورد "أمير" قائلا: "عشان كهربا كان لاعب مهم جدًا في الزمالك في فترة 2018، وكهربا لعب في الزمالك أول سنة معايا وبعدين حصلت المشكلة انه هرب وراح نادي تاني ومش شايفه هرب ده فيه حكم من الفيفا، بدون الدخول في تفاصيل لأنه قتل بحثًا وخلص عشان لاعيب في الاخر شاف من وجهة نظره أن العقد ده باطل وان النادي كان شايف أن العقد ممتد واحنا الاتنين روحنا الفيفا وهو خسر القضية أول درجة واتحكم ضده بـ 32 مليون حنيه اللي هم كانوا ما يعادلوا ساعتها 2 مليون دولار".
وأضاف أمير مرتضى منصور: "هو استأنف واحنا استأنفنا هو استأنف عشان يقلل المبلغ أو يلغيه، واحنا استئنفنا عشان نزود المبلغ ونحوله بالدولار، روحنا قدام المحكمة الرياضية والمحكمة الرياضية أيدت الحكم بتاعنا وغيرت المبلغ من 32 مليون جنيه ل 2 مليون دولار، وكهربا طلع في حلقة تلفزيونية مع سيف زاهر سأله وفي الفيديو ده احنا حاطينه في القضية قاله يا كهربا انت عقدك فاضل فيه قد ايه مع الزمالك، قالوا أنا عقدي فاضلي فيه سنتين بس أنا جددت سنتين فوق السنتين وهو خسر القضية بسبب الفيديو ده، وسيف زاهر سأله تاني يعني انت عقدك فاضل فيه 4 سنين، قاله أيوة عقدي لسه فيه 4 سنين".