مؤكدا: الدول تحتاج لسنوات من أجل البناء.. السيسي: بعمل أقصى ما عندى.. واوعوا تدوا ضهركوا لبلدكم

قال الرئيس عبدالفتاح السيسي، إن توفر الأموال التي حصلت عليها مصر مؤخرا يسهم في تطبيق سعر مرن، مضيفا: "لما يبقا الرقم ده عندي أعمل سعر مرن طبقا للطلب يبقا ممكن أنجح، لكن غير كده كان ممكن يكون فيه مشكلة كبيرة في مصر، وهل عاتبت رجال أعمال وناس كتير في مصر الدولار، وراهنوا عليه ولا ياخدوه ولا كده، هل عاتبت حد ؟، هل عاتبت ناس جابت البضائع وسعرت على أن الدولار بـ 70 أو 80 ، ولا قولت للحكومة حاولوا تنظموا الموضوع من خلال أجهزة الدولة المختلفة؟.

وأضاف الرئيس السيسي:،" هل اخذت إجراء ضد أى أحد؟، ممكن حد يقولي ما عملتش إجراء حاد ضد حد ليه؟، ممكن حد يقولي كده، يعني نبقا في أزمة زى دي وكمان نعمل إجراءات ممكن تعقد الامر أكثر من اللازم ولا نحاول نحل المسألة، ونتعب كلنا شوية، أنا بقول ما عاتبتش حد علشان أيه؟ .. اوعوا تدوا ضهركوا لبلدكم كلكوا .. الكلام اللى هقولوا غريب قوي.. ده هما يومين هنقعدهم على وش الدنيا وهنمشى.. اللى جمعته بالحلال نفعك، واللى جمعته بحاجة تانية هيبقا نار عليك، إذا كنت بتؤمن أنه فيه حساب؟، والكون ليه صاحب وجابنا وبيختبرنا، ما قولتش لناس وحتى المسؤولة عن الوعي الديني الناس ما تكملتش في حرمانية أى سلوك من السلوك دي ده مع الوضع في الاعتباء ان الأمور في الدول مش بالأخلاقيات والضمائر، ولكن بالأنظمة والقوانين، لكن حتى النقطة دي غايبة عننا مش عارفين إيه الحلال وإيه الحرام اللى بنعمله؟ مش بكلم كل الناس، رغم أن فيه كتير مننا ما يخدوش بالهم، تصوروا لو أنا هكسب نتيجة اللى أنا بعمله، والبلد دي ليها رب يحل المسألة ولا أي يوم من اللى فات وما كنش فيه شك وأسألوا الحكومة.

وتابع الرئيس السيسي خلال احتفالية يوم الشهيد: كان لازم أقول الكلمتين مش علشان أقوم حجة وبعضهم تصوروا أن لما ننجح كلنا نطلع بصدرنا ولما يحصل مشكلة نتداري ..لا .. أنا إن شاء الله ما بتدراش ابدا لا لا.. أنا بعمل أقصى ما فيه عندي أن وفقت فبفضل الله، وأن ما وفقتش العيب عندي واتحمل المسؤولية أمام الله".

تحدث الرئيس عبد الفتاح السيسي عن الإنجازات التي شهدتها الدولة المصرية خلال الـ 10 سنوات الماضية، قائلا: "انتوا مش مصدقين اللي حصل في مصر ده.. نسيتوا مع الوقت اللى حصل.. كل واحد مشغول بحياته.. القائمون على الأمر كانوا شايفين كل طوبة وهي بتتبني وكل مصنع".

وأضاف الرئيس السيسي،: "تفتكروا أن حل الأزمة وبلد تاخد مكانها وسط الأمم في 10 سنين.. طب أقول ايه للمفكرين والمثقفين ورجال الإعلام أن الدول بتاخد 75 سنة علشان تبقي دول ذأت شأن.. الكلام ده موجود في الدنيا ومش أسرار.. لما بقول كده مش معني كده أن اتمني ذلك.. ولكن فيه دول عاشت سنين ما قدرشي اذكرها.. عاشت في مجاعات من 52 لـ 68.. بس النهارده بقوا في حتة تانية خالص.

وتابع الرئيس السيسي: "يا تري الكلام ده بقولوا ليه.. عمري ما وعدتكم أن الموضوع هيخلص في سنة ولا 2 ولا 10.. طب أنت زعلان من حاجة أو زعلانين.. لازم الكلام يتقال لما الأمور تتحسن علشان ناخد الدرس.. علشان نتعلم وتبقي ذخيرة للقادم".

قال الرئيس عبد الفتاح السيسي: لن يمضي وقتا طويلا حتى ينعم المصريون بحصاد جهدهم وصبرهم.

قال الرئيس عبد الفتاح السيسي، إن التاريخ سيتوقف طويلًا أمام معجزة كبرى حققها المصريون، خلال السنوات الماضية، حيث أنقذوا وطنهم العريق من السقوط في براثن الإرهاب وجماعات الشر والتطرف، وصمدوا في وجه إعصار التمزق والانهيار والفوضى الذي ضرب جميع أرجاء الإقليم الذي نحيا فيه، وفي ذات الوقت شيدوا وعمروا بلادهم ووضعوا أساسًا لاقتصاد وطني، قادرًا على التصدي للأزمات، ولن يمضي وقت طويل بإذن الله حتى ينعم المصريون بحصاد جهدهم واستثمارهم في مستقبل هذا الوطن.

وأضاف الرئيس السيسي: "صفحات تاريخ هذا الوطن زاخرة بأيام تشهد على قصة كفاح الشعب المصري المليئة بالتضحيات والبطولات، التي أضاءت مشاعل النور، وألهبت مشاعر الوطنية، وحطمت صخور اليأس، ومهدت دروب الأمل، وخلدت أسماءها في سجلات الشـرف إنهم شهداء مصر وبريق ضيائها.