سيدة مصرية عالقة في غزة توجه رسالة إلى الرئيس السيسي (فيديو)
الموجز
وجهت سيدة مصرية عالقة في غزة، صرخة استغاثة إلى الرئيس عبدالفتاح السيسي؛ من أجل عودتها إلى مصر من القطاع.
وقالت السيدة المصرية، في فيديو نشره موقع "مصراوي"،: "ولادي في مصر وأنا مصرية أصل الأصل وليس جنسية، ومش عارفة أسافر، وجيت من شمال غزة وأهل حفيدتي اتدمروا واستشهدوا، وطلعت على المعبر وجريت علشان أسافر على بلدنا رجعوني، وأنا مبهدلة في الشوارع، وبشوف أي حد أقعد عنده، ولكن مش بلدنا، ومش لاقية حتة أقعد فيها، وقاعدة في الشوارع".
وأضافت السيدة المصرية وهي تبكي: "حفيدتي يتمية الآن، وأنا وهي في الشوارع لا نعرف أين نذهب، ولا فيه نت ولا كهرباء ولا أي حاجة وتعبانة ومن الشارع هنا إلى هنا، ومش واخدة على كدا وتعبت نفسيًا، وبقالي شهر متمرطة، والشمال كله اتهدم، وأنا قاعدة في الشمال جاي أزور بنتي كانت بتولد، وكلهم تعرضوا للقصف ومش عارفة أروح فين، وجريت بالبنت على المعبر خوفت عليها".
ووجهت السيدة رسالة إلى الرئيس السيسي قائلة: "بطالب الرئيس عبدالفتاح السيسي، كلنا مصريين ومش لاقيين مكان نقعد فيه، رجاء ياسيادة الرئيس ترجعنا بلدنا، ونحن نعيش أيام سوداء، وكل أهالي غزة متدمرين، ومش واخدة على صواريخ فوق رأسي، وتعبت، ولا مياه ولا كهرباء، كلنا ميتين ومش حياة دي".