السيسي يعلق على ظاهرة هروب الرياضيين المصريين.. ويوجه رسالة لوزير الرياضة
الموجز
أكد الرئيس عبدالفتاح السيسي، أن الجوائز التي تقدم للأبطال الرياضيين تعبر عن تقدير الدولة لهم، مشددا على ضرورة تسويق الجهد المبذول الذي تقوم به الوزارات لإظهار اهتمام الدولة بالقطاع المختلفة الجهد المبذول.
وقال السيسي، خلال حديثه في جلسة بناء الإنسان ضمن فعاليات يوم الاحتفال بتفوق جامعات مصر أمس الثلاثاء، إن حجم ما بذل في القطاع الرياضي لا يتم تسويقه وإظهاره للناس.
ووجه الرئيس السيسي حديثه لوزير الشباب والرياضة، الدكتور أشرف صبحي، قائلًا: "انتم محتاجين تبذلوا جهد أكبر عشان تظهروا اللي بتقدموا للناس عشان تستفيد بيه".
وتعليقا على ظاهرة هروب بعض الرياضيين المصريين عقب البطولات الدولية، قال الرئيس: "لما يجي شاب يتقال سابوا مصر وسافر لو النهاردة وزير الشباب أو الحكومة متكلمتش في الموضوع دا بشكل واضح ومباشر لكل الناس هيقدح كتير في كل الجهد اللي بتتكلم عليه".
وأضاف: "لازم الناس تعرف احنا بنراعي أبطالنا ازاي، عشان الناس بتقول إن ولادنا مشيوا سابونا عشان إحنا لم نوفر الدعم ليهم، وأتمنى كل أولادنا يبقى أحسن حاجة في كل حاجة، تلك المواضيع بتمثل نقطة مش طيبة في نسيج الجهد اللي تبذله وزارة الرياضة".
وأكمل الرئيس السيسي: "الجوايز التي تقدم لابطالنا الحاصلين على بطولات دا رقم لا يعبرعن تقديرنا ليه هم ايستحقوا اكتر بكتير، والرقم مش متواضع اوي، لازم الناس تعرف أننا مهتمين باولادنا وبناتنا وحريصين عليهم، لو حصل من عندنا والبطل الرياضي محس بالتقدير او بحجم التقدير معجبوش نقول احنا بقى".