وائل غنيم: وداعا عزيزي الفرعون.. مش هتوحشنا!!

كتب: نبيل عطية

أبدى الناشط السياسي "وائل غنيم" سعادته باقتراب موعد انتخابات رئاسة الجمهورية، مشيرا إلى أنها ستكون أول انتخابات حقيقية تشهدها البلاد بعد ثورة 25 يناير.
وكتب "غنيم" على صفحته الرسمية بموقع التواصل الاجتماعي "الفيس بوك" قائلا: "لأول مرة في تاريخ مصر عندنا مرشحين رئاسة بجد .. ونتيجة انتخابات مش معروفة سلفا .. وكل مرشّح بينزل المحافظات عشان يعمل مؤتمرات جماهيرية لمحاولة خطب ود الجماهير .. وبيجاوب في التلفزيون على كل أنواع الأسئلة .. بيتحرج من المذيعين وبيشوف الناس على الفيسبوك بيقولوا عليه ايه .. بيتلجلج ويتراجع ويعتذر عن تصريح قاله .. ومتروّق في الكاريكاتيرات .. وكمان النهاردة هنشوف أول مناظرة بين مرشحين رئاسيين في تاريخ مصر .. عجلة الزمان مش هترجع تاني لورا .. عزيزي الفرعون المصري وداعا مش هتوحشنا"