عمرو أديب عن غلق وتشميع مركز للدروس الخصوصية بالعجوزة: «فيه أكتر من 1000 طالب.. هل كل الناس دي مش بيفهموا حاجة في المدرسة؟»
الموجز
علّق الإعلامي عمرو أديب، على قرار غلق وتشميع مركز للدروس الخصوصية بشارع السودان بالعجوزة.
وقال أديب، خلال تقديم برنامجه "الحكاية" المُذاع عبر فضائية "إم بي سي مصر" مساء الأحد،: "دي جريمة تعليمية لا توجد في أي مكان في العالم خصوصًا مع انتشار إصابات متحور أوميكرون".
وأضاف أديب: "أتحدى تلاقي حاجة زي دي من أمريكا لأستراليا"، متسائلًا: "لو كان نظام التعليم من خلال مراكز الدروس الخصوصية أفضل نقفل المدارس ونكمل بالنظام ده".
وتابع الإعلامي: "واضح إن المدرسين في السناتر والمراكز عباقرة وأصحاب قدرات خاصة والمكان ده كان بيتردد عليه الآلاف من الطلبة يوميًا"، مضيفاً: "في مصر قدرنا نستحدث نظام ثالث للتعليم، لدينا تعليم حضوري وتعليم عن بعد بالإضافة للتعليم عبر السناتر".
وقال: "السنتر اللي اتقفل النهاردة كان فيه أكتر من 1000 طالب، طيب أنا هعتبر العدد 500 طالب فقط.. هل كل الناس دي مش بيفهموا حاجة في المدرسة، أكيد السنتر مش لسه مفتوح إمبارح يعني.. لكن أنا بحيي الشرطة أنها تمكنت من تشميع السنتر اليوم".
وواصل مقدم برنامج "الحكاية": "بنصرف مليارات على المدارس.. وغير كده التجمعات في السنتر رهيبة.. ومفيش واحد لابس كمامة.. يعني "عطسة واحدة" تبهدل الدنيا.. وصلنا لمرحلة إن بقى عندنا جريمة في التعليم".
وفي وقت سابق، أعلنت محافظة الجيزة غلق وتشميع ومصادرة محتويات أكبر قاعات مراكز الدروس الخصوصية بشارع السودان بالعجوزة يتوافد عليه مئات الطلاب على مدار اليوم.
وتم توجيه حملة مكبرة على المركز، وغلقه وتشميعه مع مصادرة محتوياته والذي تسع إحدى قاعاته لحوالي 1000 طالب، وتم إخلاءه من الطلاب واتخاذ الإجراءات القانونية بحق المخالفين.