دنيا سمير غانم تكشف كيف تغلبت على حزنها بعد فقدان والديها

الموجز  

كشفت الفنانة دنيا سمير غانم، عن  كيفية التغلب على حزنها بعد فقدان والديها الفنان سمير غانم والفنانة دلال عبد العزيز.

وفي حوارها مع الإعلامي عمرو أديب ببرنامج "بيج تايم بودكاست" المذاع عبر فضائية "إم بي سي" مساء الجمعة، قالت دنيا: "أنا متجاوزتش الموضوع وهو مش سهل، بعد التجربة اكتشفت أن الحزن مش زي ما بنقدمه في الأفلام، وأن ليه أنواع كتير".

وأضافت الفنانة : ”أنا مثلا بعد وفاة أهلي كنت عايزة أنزل أشتغل، لأن طول حياتي متبرمجة أن الفن يعني هما، ولما بشتغل بحس أن هما معايا طول الوقت، ودي كانت طريقتي في الحزن، أنا عايزة أمثل وأغني وأقف على المسرح عشان أحس بوجودهم".

وأكدت أن شقيقتها إيمي لها أسلوب مختلف في الحزن على رحيل والديهما، موضحة: "إيمي كان حزنها مختلفًا طول الوقت، كانت عايزة تكون لوحدها، وقدمت أول أعمالها بعد ضغط كبير مني ومن زوجها حسن الرداد".

وأشارت دنيا سمير غانم إلى أنها تجد نفسها في أوقات كثيرة ترغب في البكاء، ولكنها تحاول دائمًا السيطرة على نفسها، قائلة: "أنا غصب عني بكون بدمع وبكون عايزة أعيط، لكن بكون جوا الموقف وبمسك نفسي، وبغني وأرقص وبقابل الناس لكن هما جوايا، المرحلة اللي قبل الوفاة كانت صعبة أوي وطوال الوقت لحد الآن صورتهم خلال مرضهم مش بتروح من بالي، ومش قادرة أتخلص منها".