«لو مش متجوزة كنت وافقت».. فيفي عبده: كل يوم بيتقدملي عرسان
الموجز
ردت الفنانة فيفي عبده، على الانتقادات الموجهة للنجمات كبار السن التي تقرر الزواج في سن كبيرة.
وفي حوارها مع الإعلامية أسما إبراهيم ببرنامج "حبر سري" المذاع عبر فضائية "القاهرة والناس" مساء الأربعاء، قالت فيفي عبده: "هي الكبيرة متتجوزش وليه الكبيرة متتجوزش والناس المفروض متنتقدش، وفي ناس بتبقى محتاجة ونس في البيت واللي يجيب الونس الارتباط وفي ناس بتربي حيوانات ولما يكون معاك إنسان تتكلم مع حد غير أنك كبرت وخلاص".
وكشفت الفنانة عن تلقيها عروض زواج بشكل يومي على منصات مواقع التواصل الاجتماعي، حيث قالت: "كل يوم بيجيلي عرسان والكومنتات كلها طلبات زواج ولكن أنا ست متجوزة ولو أنا وحيدة اتجوز"، بحسب ما نقلت صحيفة "الوفد".
كما عبّرت فيفي عبده عن سعادتها بظهور النجمة الكبيرة نجاة في حفل أقيم بالسعودية مؤخرا، حيث قالت: "أنا فرحت جدا بظهور نجاة واللي بيبطل شغل بيتنسي ولو أنا مش في الميديا كنت اتنسيت وأنا بحب شغلي وصاحية لشغلي وعارفه ازاي ابقى موجودة".
كما أكدت عدم موافقتها حالة رغبة حفيدتها في العمل بمجال الرقص، حيث قالت: "لو حفيدتي طلبت ترقص أرفض وأيامي كان الرقص حاجة تانية وكان في احترام وكل الناس اللي قعدة تشاهد العروض مهمين ومش أي كلام وكان ناس ثقيلة ومحترمة".
وأوضحت فيفي عبده أن الجميع يفتي الآن في مجال الرقص وحفيدتها وصلت لمرحلة علمية مميزة وتدرس سياسة واقتصاد، متابعة: "مش ممكن أسمح لها بده وهي اتعلمت وأنا اتبهدلت في الشغل عشان أوصل لمكانتي حاليا".
وأكملت: "الرقص الشرقي كان زمان له جمهور وقيمة عن دلوقتي وعشان كده متقليش ولا راقصة مصرية الآن، وأنا برقص في البيت، ومصر كانت مليانة راقصات ودلوقتي وكفاية المهاجمة للرقص طوال الوقت والكتاب يطلعوا أي واحدة عايزة تنحرف تبقى رقاصة ودي نقطة ضعف".