«الخناقة هتتخطي خناقة عصام النمر ورفاعي الدسوقي» .. محمد رمضان يكشف كواليس خناقة جعفر العمدة وكارم فتح الله
الموجز
كشف الفنان محمد رمضان خلال لقائه مع الإعلامية فاطمة مصطفى في برنامج الراديو بيضحك على راديو 9090 كواليس مشهده مع كارم فتح الله في مسلسل "جعفر العمدة".
وقال الفنان محمد رمضان : "ملابسي في المشهد كانت واقعية والمخرج محمد سامي حب الاقتراح بتاعي أن أظهر في هذا المشهد بهذه الملابس وشاف أنه هيدي طبيعية وواقعية أكثر".
وأضاف رمضان : "التفاصيل بتدي واقعية أكثر، وبتبين قد إيه هو جعفر مفكرش، نزل انفعالًا بما حدث مع مراته مستحيل حد عارف إن ده مشهد هيبقى لابس عباية نوم أو جلابية واللى أنا عملته بيعطي مصداقية اكتر وبينا قد ايه إنه مفكرش ونازل حافي وبلبس النوم".
الخناقة هتتخطي خناقة عصام النمر ورفاعي الدسوقي
وتابع محمد رمضان: "كنا مراهنين أنا ومحمد سامي إن الخناقة هتتخطي خناقة عصام النمر ورفاعي الدسوقي، وشخصية جعفر العمدة بطبيعة نشأته وشغله لازم يبقى جامد وضربه ضرب عقلاني راجل كبير ولو طار في الهوا وضرب واحد رجل في وشه زي فيلم شد اجزاء مش هيتصدق ولكن إحنا أظهرنا إنه ضرب راجل ناضج".