لو هتبيع أصول ماتقربش لحاجة مهمة أوي أو حاجة بيحبها الشعب .. عمرو أديب: مصر هتحصل على ١٦ مليار من الأصدقاء ودول الخليج

الموجز
أخبار مصر
2022-12-19 23:16

الموجز

قال الإعلامي عمرو أديب قرض الصندوق مش هو الحل ده ٣ مليار على ٤٦ شهر .

وتابع : الصندوق قال ، مصر هتحصل على ١٦ مليار من الأصدقاء ودول الخليج في شكل قروض وبيع أصول.

وأضاف الإعلامي عمرو أديب ، خلال حلقة اليوم ، من برنامج الحكاية ، لن أقول أي توقعات أو أرقام لأن الأوضاع اللي بتحصل كل يوم ماحدش يقدر يتوقعها أو يقولها .

وتابع أديب : اللي أنا هعمله ، هقولك ماذا يحدث ، لكن ماذا سيحدث معرفش .

وأكد أديب : النهاردة وامبارح في السوق ، الدولار نزل قصاد الجنيه في السوق الموازية ، يعني سعر الجنيه زاد شوية .

واضاف الإعلامي عمرو أديب : المتحفظين بيقولوا 10 في المية .

وأضاف : هل النزول ده مكمل بكرة أو بعده معرفش ، إنما يقولون ان ده حصل .

وتابع : في رأي من الآراء بيقول إن المضاربة على الدولار بدأت نهايتها.. لكن إيه اللي هيحصل بكرة ما أعرفش

وتابع : بالتالي حصل في الذهب كمان ، لكن هينزل في مصر معرفش .

وقال أديب : صندوق النقد لما طلع البيان قال إنه بينتظر محافظة المركزي على مرونة سعر الصرف .

وأضاف أديب : بيتقال يوم الخميس الجاي في إجتماع للمركزي .

 

 

وأضاف أديب بشأن بيع الأصول:  ناس تقول ماتبيعش أصول عشان ده حق الأجيال اللي جاية.. ما إنت لو ما وضبتش الدنيا الأجيال الجاية هيبقى وضعهم صعب

وأضاف عمرو أديب: الحكمة بتقول لو الدولة هتضطر تبيع أصول.. ماتقربش لحاجة مهمة أوي أو حاجة بيحبها الشعب (قطاع الاتصالات مثلا أو السجاير)

 

تعليقات القراء