السيسي يمازح وزير النقل: نحلت وَبَرنا في مشروعاتك

الموجز    

أكد الرئيس عبدالفتاح السيسي على ضرورة الحفاظ على المجتمعات المنشأة حديثًا، مضيفًا: "إحنا مش هنبني مرة ونفرح ونمشي.. دي حياة ناس واحنا مسؤولين عنها".

خلال مراسم افتتاح محور التعمير "محور أبو ذكري" التي شهدها السيسي اليوم الإثنين، خاطب الرئيس الفريقَ كامل الوزير، وزير النقل، قائلًا له: لازم تخلي الطريق 6 و6 حارات، ولو أكتر يا كامل يكون كويس، لو تصورت إن 1500 فدان، منها 400 فدان صناعي، يبقى فيه حركة كبيرة جدًّا."

ورد الوزير قائلًا: "هنحاول ونحرك المرافق، وهنتكلم فيها شوية."

وتابع الرئيس السيسي: "هيبقى فيها نصف مليون شخص تقريبًا، اضرب في 4 أفراد متوسط الأسرة."

ومازح الرئيس السيسي وزيرَ النقل قائلاً له: "الأرض بتاعتك بتاعة السكة الحديد غالية أوي، ومش عايز يدي حاجة يا دكتور مصطفى؛ يقولك أرضي، يا عم إنت نحلت وبرنا بالفلوس اللي أخدتها.. يا محمد يا زكي، نَحَل وبر الدولة بمشروعات النقل بتاعته، يقول لك لأ ده حرم السكة الحديد بتاعتي.. كانوا بانيين عليها زمان وعشوائيات، تقول لأ؟"

ويرد كامل الوزير: "يا فندم أنا رُحت للقائد العام، وموجود سيادتك أهوه، قُلت له يا فندم خدوا اللي انتم عايزينه، بس نكتب ورق؛ عشان نحفظ حق السكة الحديد."

وعقب الرئيس السيسي: "طب أنا موافق يا كامل.. ماشي يا محمد، قُل له المحاور اللي اتعملت دي إدينا تمنها دلوقتي.. سيب وأنا أسيب.​"

تعليقات القراء