«دي فلوس مصر والناس».. السيسي: المخالفات تعطل تطوير وبناء المحاور

الموجز   

تحدث الرئيس عبدالفتاح السيسي عن تأثير مخالفات البناء على تطوير وبناء المحاور الجديدة.

وقال الرئيس السيسي، في كلمته خلال افتتاح محور التعمير بالإسكندرية اليوم الاثنين: "كان زمان محور المحمودية اتعمل بسهولة من سنة ونص فاتوا لو مكنش فيه مخالفات.. بنتكلم عن تعويض الناس وتدبير الأموال المطلوبة لهم.. وبعدين نزيل المخالفات ونعمل المحور.. وفيه حتت مقدرناش نعمل فيها.. وفق الكثافة السكانية قولنا نعمل كوبرى على الطريق لمنع الإزالة ونحافظ على الترعة والناس.. الناس تكون منتبه لده.. المفروض منعملش كده تانى والدولة متسمحش بكده بتاني.. مفيش تعدى على جسر ترعة أو حرم طريق خالص".

وأضاف السيسي: "حتى موضوع الطريق الزراعى سنة 59.. لو مكنشى على جسر الطريق أو حرم الطريق بناء.. كان ممكن نعمل الطريق 5 حارات و5 حارات فى كل اتجاه بربع التكلفة.. كملنا الطريق الصحراوى للتخفيف على الزراعى.. وطريق النوبارية بالطريقة دي.. علشان نقدر نحرك الناس على الطريق الزراعى والدلتا كويس.. أنا بقول للمسئولين فى المحافظات والمسئولين فى الدولة والمواطنين.. لازم ناخد بالنا.. ده تكاليف كبيرة جدا.. ودى فلوس مصر والناس.. بدل ما اصرف مليار و2 الاقى بصرف 5 و6 مليارات".