«أنا بقعد مع البشر كلها من تحت لفوق كلهم بيشتكوا» .. عمرو أديب: الإلهاء بيكون لناس في حالة مرتاحة

الموجز

قال الإعلامي عمرو أديب، خلال حلقة اليوم من برنامج «الحكاية»، والمذاع على قناة «MBC مصر» ، إن هناك جملة متكررة على مواقع التواصل الاجتماعي على الفترات الماضية متعلقة بالحديث «الإلهاء»، مشيرًا إلى أنه يرى موضوع الإلهاء غير حقيقي ولا يمت للواقع بصلة.

وأضاف الإعلامي عمرو أديب ، أن «فكرة الإلهاء انتهت منذ السبعينيات وقت الأستاذ هيكل لما مشي من الأهرام»، قائلاً : «الإلهاء بيكون لناس في حالة مرتاحة، هل في حد اتلهى ومش واخد باله من حرب روسيا وأوكرانيا؟ في حد مش واخد باله من غلاء الأسعار؟ وسعر البيضة والفرخة؟».

وتابع الإعلامي عمرو أديب : «حد راح السوبر ماركت وعرضوا الأسعار عليه، قال له لو سمحت أنا ملهي، متابع الست اللي كلت دراع جوزها، محدش خد باله من الدولار؟ ده أنتم قاعدين للدولار قرش بقرش!».

وتابع: «في ناس عاوزة تعيشك إنك في دولة بوليسية، خلصت اللهوة الأولانية خد اللهوة التانية، يا جماعة فوقوا من الوهم، في واقع الدولة والحكومة تعيشه، وعندنا مشكلة وعي وتعاطي مع الحياة الحقيقية».

وأكد أديب أن المواطنين مشغلون الآن في موضوع واحد وهو «أكل العيش»، متابعًا: «يا جماعة اقعدوا مع الناس، أنا بقعد مع البشر كلها من تحت لفوق؛ من المديونير للملياردير، كلهم بيشتكوا، لكن في هنتريش بأجنحة محلق بيحاول يقنعنا إن في حد ملهي».

 

تعليقات القراء