عن «الفرخة والسجادة».. نهاد أبو القمصان ترد على تصريحات ياسمين عز: «الكلام ده غلط عليكي انتي كده بتوقفي سوقك»

الموجز    

علّقت المحامية نهاد أبو القمصان، عضو المجلس القومي لحقوق الإنسان، على تصريحات الإعلامية ياسمين عز خلال برنامجها "كلام الناس" المذاع عبر فضائية "إم بي سي مصر"، معربة عن استياءها الشديد.

وقالت "أبو القمصان"، في تصريحات لموقع "مصراوي"، إن ياسمين عز تحاول عمل "تريند" لكن في الاتجاه المعاكس، مشيرة إلى أن "لها 4 تصريحات ملخصها مهين جدًا للرجالة وليس للمرأة".

وأضافت عضو المجلس القومي لحقوق الإنسان: "يعني ايه أدي للراجل حتة كبيرة من الفرخة؟ هل هذه رؤيتها للرجالة أنه ياخد حتة كبيرة من الفرخة؟".

وتساءلت: "يعني ايه أخليه يدوس على السجادة ماهو اللي جايبها؟ طب لو راجل ممكن يكون في أزمة والست بتحافظ على فلوسه. على المستوى الشخصي هي ناجحة ولكن أنا شايفاها مسكينة".

وواصلت "أبو القمصان": "شخصيتها هتظلمها هي بنت ناجحة وبتشتغل في قناة وبتقبض كويس ومستقلة ماليًا هي هتتجوز أي شخص؟.. الشخصية الضعيفة اللي مستنية الراجل يصرف عليها وهتقبله بس علشان بيصرف عليها وعلى السجادة ولا هي هتكون شريكة.. أنا شايفة أن الرسائل دي خطر على ياسمين نفسها ومهينة جدا للرجال.. الراجل مش مكنة فلوس".

وأكملت: "لما صحفية تطلع تشتم في الرجالة ومتخيلة إنها بتدافع عن قضايا المرأة.. لا هي كده بتضر بصورة المرأة وتسيء ليها"، موضحة: "قضية المرأة قضية عادلة ولها علاقة بالعدالة خاصة وأن الست لا حول لها ولا قوة في الأحوال الشخصية".

ووجهت المحامية نهاد أبو القمصان رسالة للإعلامية ياسمين عز قائلة: "الكلام ده غلط عليكي لأن اللي يحب يرتبط بواحدة بتشتغل وعايز واحدة شريكته في الحياة انتي بكدة بتوقفي سوقك. لأن اللي عايز واحدة خانعة وخاضعة مش هيكون عايز واحدة بتشتغل ومستقلة عندها برنامج".

يشار إلى أن ياسمين عز أثارت الجدل بسبب تصريحاتها التي أدلت بها خلال الأيام الماضية، حيث قالت: "بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه"، وهو ما دفع نبيل الحلفاوى ليعلق على هذا التصريح قائلا: "عشان بتحافظ على فلوسه”.

تعليقات القراء