متتكلمش عن طموحك الشخصي ليا.. زينة ترد على انتقادات طارق الشناوي
ردت زينة على انتقادات الناقد طارق الشناوي، حيث طالبته بتوجيه نقد بنّاء وموضوعي للأعمال الفنية بدلًا من التركيز على الأفراد، مشيرة إلى أهمية تقدير الجهود الفنية لأمثال أحمد السقا وغيره من النجوم. وأكدت على شرفها بالعمل مع هؤلاء النجوم في مسلسل "العتاولة".
وقالت زينة لبرنامج الحكاية مع عمرو أديب: "أنا عملت (الليلة واللي فيها) والحمد لله كسر الدنيا، لما جه ينقد العمل الفني قال: زينة أخيرا خرجت من مشاكلها، أنت مالك ومال الكلام ده ما تتكلم على العمل لازم إحنا نستفيد منك والجمهور يستفيد منك".
وأضافت: "قال هي سابت البطولات المطلقة وهي رايحة زعلانة، لا أنا مش زعلانة الحقيقة، أنا بعمل عمل مع نجوم كبار، أستاذ أحمد السقا ده اسم كبير دا، وأستاذ باسم، أستاذ طارق لطفي، إخراج مخرج من ساعة مطلع وهو ناجح أستاذ أحمد خالد".
وتابعت: "حضرتك تتكلم عن العمل مش عن طموحك الشخصي ليا، أنا عارفة أنك أنت بتحبني وكل حاجة، بس اتكلم عن المشاهد اللي اتعملت اتكلم بحيادية عشان أنا كـ زينة عايزة أستفيد منك لما تقولي حاجة تبقى بناءة مش يبقى فيه عمل وحضرتك بتتكلم عن حاجة شخصية عندي".