«لو ضاع مستقبلي برضه مش هسكت» .. شقيق المطربة أنغام يفتح النار على أسرته

الموجز

خرج الموزع الموسيقي، خالد محمد علي سليمان نجل الموسيقار محمد علي سليمان وشقيق الفنانة أنغام عن صمته وهاجم أسرته عبر حسابه الرسمي على موقع "فيس بوك".

وكتب "خالد" على صفحته بموقع "فيس بوك": "أهلي وعيلتي واكلين حقي وبينكروه، وماجدة بتشحت من الناس وبتبتذنا بحجة أحمد وياسين".

واستكمل: "أسكت، أقسم بالله العظيم وحق جلال الله مفيش سكوت تاني، مفيش عنف بس في قسوة للاخر، تدوني حقي، لو ضاع مستقبلي برضه مش هسكت".

وانهى حديثه قائلًا: "تحبسوني أو تسقعوني برضه مش هسكت، لأخر نفس مش هسكت غالب ومغلوب".

وكشف شقيق النجمة أنغام "خالد" مؤخرا عن اقتراب العام التاسع من تعافيه من إدمان المخدرات ووصف نفسه بالبطل الغير عادي.

وقام "خالد" بنشر صورة له قبل التعافي وكتب: "اللهم لك الحمد والشكر بعتبر نفسي بطل غير عادي مع اقتراب مرور 9 سنوات امتناع وتعافي من إدمان وتعاطي الهيروين والمخدرات لمدة 21 سنة معاناة مع مرض الإدمان، وفخور جدًا بنفسي بكل شرف وعزة نفس، اللهم دمها نعمه واحفظها من الزوال".

وتعاون الموزع الموسيقي خالد سليمان مع أنغام في ألبومها “أحلام بريئة” وقاما بتوزيع أغنية بعنوان “حتا نقصة” من كلمات الشاعر أمير طعيمة وألحان عزيز الشافعي.

بنتي الصغيرة اللي كنت بسرح لها شعرها

ومؤخرا، وصفت المطربة المصرية أنغام وفاة شقيقتها غنوة قبل أعوام بأنها "أصعب لحظة في حياتها بل واللحظة الأصعب على الإطلاق"

وقالت أنغام، في لقائها مع الإعلامي الإماراتي أنس بوخش ببرنامجه ABtalks عبر يوتيوب: "كانت أصعب لحظة في حياتي على الإطلاق، خبطة كبيرة وقاسية جدا، مع إن علاقتنا مكانتش كويسة، لكن مكنتش عايزة أصدق خالص لحد ما أنا غسلتها بإيدي وكنت عايزة أصحيها".

وتابعت: "كان موقفا قاسيا جدًا مبحبش أدافع عن نفسي، ولا أتكلم عن حد مش موجود، لكن كل اللي أقدر أقوله بمنتهى الأمانة وبيني وبين ربنا عمري ما كنت سبب زعلها مني أو إن يبقى فيه بينا مشكلة، دي كانت بنتي مش أختي، والفرق بيني وبينها 16 سنة".

وأكملت: "هي عندها أسبابها الله يرحمها، ممكن لو عمرها طال شوية كانت الأمور تتغير وتعذرني، لكن ملقتش حد حنن قلبها، هما قسّوا قلبها".

ووجهت أنغام رسالة لأختها المتوفية، قائلة: "أول حاجة وحشتيني جدا، وحشتني غنوة بنتي الصغيرة اللي كنت بسرح لها شعرها وأحميها في حضني تحت الدش، وياسين أحلى حاجة سابتها في الدنيا، سابتلي نعمة وهدية كبيرة وحتة من قلبها، وهو في عينيا".