جهلة وعايزين يركبوا التريند.. أمينة شلباية ترد على الساخرين من فيديوهات الاتيكيت
ردت خبيرة الموضة والتجميل أمينة شلباية، على الساخرين من فيديوهات الاتيكيت التي تقدمها على السوشيال ميديا.
وقالت شلباية، في تصريحات لموقع "فالفن"،: "عمري ما هوقف فيديوهات وكل التعليقات باسطاني لأني واثقة من اللي بقدمه وكل اللي بيتريقوا يإما عايزين يركبوا التريند يإما مش واثقين في نفسهم أو جهلة مش عارفين فاللي مش عارفين دول هيتعلموا واللي بياكل بإيده هيمسك معلقة وبعد كدا يمسك شوكة وبعدها ياكل صح والموضوع بالتدريج".
وأشارت شلباية إلى أن هناك الكثيرون ممن يدعمونها ومعجبين بما تقدمه ويطالبونها بالمزيد لافتة إلى أن السخرية منها نابعة من جهل أو ركوب التريند وهي تراها بشكل إيجابي لأنه يدل على الانتشار.
وأضافت أمينة شلباية: "الاتيكيت كان في برامجي علطول لكن مكنتش بقدمه زي ما بقدمه دلوقتي عالسوشيال ميديا ولما قدمته عملي الناس ثارت لكن مش مشكلة هتتعلم، وجزء كبير من الناس مستمتع وعايز أكتر فاللي بيتريقو مش عايزاهم يوقفوه ولا بيهزلي شعرة ودا كويس عشان كل ما الفيديوهات تنتشر كل ما الناس تتعلم اكتر".
وكانت شلباية أثارت حالة من الجدل على السوشيال ميديا، من خلال فيديوهات تشرح فن الاتيكيت في تناول الطعام.