"عيلة مكنتش تحلم توصل الجونة".. هجوم حاد على بوسي شلبي بعد تنمرها على بطلة فيلم ريش (فيديو)
كتب: ضياء السقا
تعرضت الإعلامية بوسي شلبي، لهجوم حاد على مواقع التواصل الاجتماعي، بعد تنمرها على دميانة نصار، بطلة فيلم "ريش"، خلال فعاليات مهرجان الجونة السينمائي.
بدأت القصة بفيديو قامت بوسي شلبي بتصويره مع أبطال فيلم "ريش" الحاصل على جوائز عالمية والذي يعرض في مهرجان الجونة السينمائي، وأثناء اللقاء وبحضور الأبطال عبرت الإعلامية عن رأيها في الفيلم ولكن لم تتحدث عن فنياته أو إثارته للجدل في الأيام القليلة الماضية أو عن حصوله على جائزة النقاد من مهرجان "كان السينمائي الدولي" بل تحدثت عن مصير الأبطال الذي تغير بعد عرض الفيلم، فقالت جملتها التي رددها الجمهور على منصات التواصل الاجتماعي: "أنا بقول عمر غير مصير ناس في الفيلم دة وفتح باب رزق لعيلة من المنيا مكنتش تقدر توصل للمكان اللي احنا فيه".
وتعرضت الإعلامية لانتقادات حادة من قبل الممثلين، والذين وصفوها بالتكبر وعدم المهنية.
من جانبها، قالت الفنانة سارة نخلة: "الله يرحمه بس لغاية اللحظة دي بتشتغلي على حسه بجد الله يرحمه لو شافك بتتعاملي ازاي كان أول واحد هاجمك"
وتابعت نخلة، عبر حسابها بالفيس بوك: "متنمرة قليلة الأدب والإعلام برئ من مذيعة زيك مش عارفة بتشتغل ايه وليه، لا شكل ولا منطق ولا ذوق ومكروهة، في قلة ادب بتحصل ولو كانت وحدة جديدة طالعة كنتو كلكو عملتوا عليها حفلة بس طبعاً دي لا محدش يقدر يقولها حاجة علشان وراها شلة مشغلاها".
اختتمت سارة حديثها قائلة: "اسفة بجد بتتكلم بتكبر وتعالي مع ابطال الفيلم وكانها جاية من الشانزليزية من نص ساعة هي فاكرة نفسها ايه بجد".
كما هاجمها الفنان حسني شتا، عبر تغريدة له على موقع تويتر، قائلا: "كفاية عك وقرف بقى وعنصرية وعنجهية مذيعة ايه وإعلامية ايه بس، اية العبث اللي احنا فيه دة، بوسي هانم انتي فعلا اللي مينفعش تكوني ولا تحلمي تكوني مذيعة لسبب واحد أنك معدومة الانسانية".
