تامر حسني يحقق حلم فتاة كفيفة ويغني معها.. ومريم: خلاني ألمس وشه وأعرف ملامحه بإيدي (فيديو)

كتب: ضياء السقا

حقق النجم تامر حسني رغبة إحدى الفتيات الكفيفات، تدعى مريم النجدى وهى عازفة "كمان" وصاحبة صوت جميل، وذلك بعدما أعلنت عن رغبتها فى الغناء معه خلال حلولها ضيفة على أحد البرامج التليفزيونية، وبادر المطرب بسرعة الاستجابة وتحقيق حلمها.

وعلق تامر حسني، على الفيديو، قائلا: "أوامر يا فندم أهو.. يا رب أكون قدرت أفرحك يا مريوم.. وشكراً للإعلاميين المحترمين داليا أيمن، ونيهاد سمير، اللي كانوا همزة الوصل الجميلة بينا".

وبعد لقاءها به، أعربت مريم النجدي، عن سعادتها بلقاء تامر حسني، وأعادت نشر فيديو لقاءهما عبر حسابها على "فيسبوك"، وعلقت: "من زمان وأنا كان نفسي أغني مع تامر وأخيرًا الأمنية اتحققت.. إيه دا قد إيه فنان رائع ومختلف ومفيش زيه، لكن كمان شخص جميل جمال، فعلًا إنسان حقيقي من غير أي تكلف".

وأضافت: "يوم عمري ما هنساه بكل تفصيلة فيه، قد إيه كان بيشجعني بكلامه وبطاقته الجميلة، وفعلا كان حريص إن التراك يطلع محترف وزاده جمالا بصوته الجميل والأجمل إنه خلاني ألمس وشه وأعرف ملامحه بإيدي، وكان بيشرحلي كل حاجة وبيعملي كل حاجة بنفسه.. شكرا تامر على كل حاجة ودايما أغانيك تفضل موجودة في كل مراحل حياتنا وتعيش طول العمر.. شكرا يا تامر، وطبعا شكرا لمهندس الصوت الجميل اللي اتشرفت بيه جلال فهمي، وشكرا لكل اللي كانوا سبب في اللقاء ده".

 
 
 
 
 
 
 
 
 
 
 
 
 
 
 

A post shared by Tamer Hosny (@tamerhosny)

 

تعليقات القراء