«قالتلي بطني وجعاني مش عارفة ليه وانقطع الاتصال».. والدة نيرة صلاح تتحدث عن اللحظات الأخيرة في حياة ابنتها
![](https://www.almogaz.com/sites/all/themes/almogaz/images/sms.jpg)
![](https://www.almogaz.com/sites/default/files/styles/almgoaz_img/public/feed_images/24/03/04/00000000.jpg?itok=gS3XAf0q)
الموجز
كشفت نشوى جمعة، والدة الطالبة نيرة صلاح، عن تفاصيل اللحظات الأخيرة في حياة ابنتها، والتهديدات التي تعرضت له قبل وفاتها.
وفي مداخلة هاتفية ببرنامج "في المساء مع قصواء" المذاع عبر فضائية "سي بي سي" مساء أمس الأحد، قالت والدة نيرة: "بنتي كانت صايمة لمدة 3 أيام والسبت كانت هتسمع للشيخ بتاعها ورد القرآن".
وأضافت نشوى: "أنا دخلت أتكلم لأني لقيت اني لو سكت هيبقى فيه مليون نيرة تانية، وبدأوا يشهروا ويتكلموا على بنتي أنا لما روحت لقيتها ماتت وأخدتها ومشيت وأخدت عزاها وقلت حق بنتي عند ربنا".
وأكملت: "اتفاجأت على النت ومكنش عندي خلفية باللي حصل، أنا مكنتش أعرف أي حاجة عن المواضيع دي، بدأنا نفتح تليفونها لقينا محادثات وفويسات لا يقبلها عقل بشر ولا بني آدم".
وتابعت والدة نيرة: "تهديدات وسخافات لا تصدر من طالبة، ورسائل نصها، (انتي مش قدها ابعدي عنها)، ولقيت النيابة العامة تسأل عن تفاصيل التهديدات".
وواصلت: "لما كلمتني بدأت ترجع وقالتلي بطني وجعاني مش عارفة فيه ايه ومن هنا انقطع الاتصال ملقتش لها صوت، اتصلت عليا زميلة بنتي وقالتلي بنتك رجعت كتير ولقينا حبوب في شنطتها"، بحسب ما نقل موقع "مصراوي".
وأضافت نشوى: "حتى لو أخدتها فهذا تحت ضغط نفسي وعصبي لما بحكي لوكيل النيابة شاف كتر الضغط والرسائل أنا بنتي قوية وحافظة 17 جزء قرآن".
واختتمت والدة نيرة صلاح: "بنتي كلمت شيخ القرآن يوم الجمعة وقالت أنا هسمع الورد بتاعي يوم السبت"، مؤكدة: "حق بنتي عند ربنا".