للزوجة المصرية.. 11 نصيحة مهمة عشان م تخسريش جوزك خلال مشاهدة كأس الأمم الأفريقية

كتب: أحمد أبوعقيل
مع بداية إنطلاق كأس الأمم الأفريقية غدا الجمعة 21 / 6 /2019 يتفرغ معظم الرجال لمشاهدة مباريات البطولة، دون التركيز في أي أمور أخرى خاصة احتياجات المنزل والأطفال.
وتعتبر بعض الزوجات أن مشاهدة المباريات شئ غير مهم مما يدفعها لإنتقاد الرجل دائما والدخول في مناقشات خاصة أمور المنزل.
نقدم نصائح للسيدات حول كيفية التعامل مع الرجل أثناء بطولة الأمم الأفريقية.

1 – لازم تعرفي أن كل المباريات مهمة يعني مش مباريات منتخب مصر فقط.
2- في دور المجموعات فيه 3 مباريات كل يوم عودي نفسك على كدة.
3- ظبطي الجو لجوزك .. يعني شاي وقهوة وشوية تسالي بدل م يسيبك وينزل عند عم عبده القهوجي.
4- بلاش تدخلي في أي مناقشات في وقت الماتش كله يتأجل .
5- في وقت الماتش طلبات البيت تتأجل عشان مستحيل هينزل.
6- ابعدي العيال عن الريموت كنترول عشان ممكن تروحي بيت أهلك انتي والعيال.
7- أطلبي كل اللي عايزاه قبل المباريات بساعتين.
8 – خلي بالك هيتفرج على الاستوديو التحليلي ليلة المباراة وقبل المباراة وبعد المباراة كله مهم .
9- بلاش نقاش في أى حاجة أثناء الماتش عشان مش هيسمعك.
10- بلاش تتكلمي في أي موضوع مصيري عشان مش وقته خالص.

11- انسي المسلسلات التركي والهندي والأفلام .

تعليقات القراء